«Жол қозғалысының жас инспекторлары - 2016» байқауы
игры для android
Жолда жарақат алу – әлемнің барлық елдерінің адамдарын толғандыратын мәселе. Адамдар автомобилизацияғаөз өмірлерімен құн төлейді. Бұл құн өте қымбат және ештеңемен ақталмаған. Көлікті қозғалыс құралынан өмір үшін қауіпті құралға айналдыру барлық жерде және өте шапшаң қарқынмен дамуда. Бұл ретте айта кету керек, автокөліктер жүргізушінің де, жүргіншінің де тәртіп бұзуына байланысты адамғақауіптуғызады. Егерде мектептің басты міндеттерінің бірі баланы қоғамдағы өмірге үйрету болса, онда жол жүру әліппесіне үйрету міндетті түрде болу керек.
2016 жылдың 26 сәуірінде білім беру бөлімінің бастамасы бойынша Качир №3 ЖОМ базасында «Жол қозғалысының жас инспекторлары - 2016» байқауы өтті.
Мақсаты – жол–транспорттық оқиғалардың алдын алу бойынша жұмысты жетілдіру және балалар жол-транспорттық жарақатының алдын алу мәселелеріне қоғам мен ұйымдардың, мүдделі ведомствалардың назарын аудару.
Байқауға 13 команда қатысты, барлығы ауданның жалпы білім беретін жалпы орта мектептерінен 130 бала.
Байқау жеті бағыт бойынша өтті: саптық байқау, жол қозғалысы ережесінің білгірлері, велосипедті мәнерлеп жүргізу, жас реттеуші, жас санитар, эрудиттер турнирі, үгіт бригадаларының байқауы. Іс-шараға ауданның ІІБ әкімшілік қызметінің инспекторы Заурбек Ғабдынасырұлы Абылқадыров, әскери қызметкерлерді келісімшарт және әскерге шақыру бойынша жинақтау қорғаныс істері жөніндегі бөлімнің бастығы, лейтенант Әділжан Әлімжанұлы Слямов қатысты.
Сайыс қорытындысы бойынша Байқоныс жалпы білім беру орта мектебінің «Клаксон» командасы жеңімпаз атанды. 2 орынға Песчан № 1 ЖОМ «ССБ - световая служба безопасности» отряды ие болды, 3 орынды Качир № 2 ЖОМ «Безопасная дорога» отряды алды. Байқоныс ЖОМ командасы облыстық байқауда ауданымыздың намысын қорғайды.
Жолда адамдар қайтыс болса – бұл қаза. Егерде жол апатында балалар болса – бұл екі есе қаза. Балаларды жолдағы қауіпсіз тәртіпке жүйелі үйретуді жүргізу және оларға осы дағдыларды тәрбиелеу – бұл қайғының алдын алуға апаратын қажетті қадам.
АББ баспасөз -орталығы
