Качир ауданының үздік жас маманы

2016 жылдың 29 сәуірінде Қ. Оспанова атындағы №3 ЖОМ базасында «Үздік жас маман - 2016» форум-байқауының финалдық кезеңі өтті. Бастаушылар – Качир ауданы білім беру бөлімі және білім беру қызметкерлерінің аудандық кәсіподақ ұйымы. Форумға Качир ауданы әкімінің орынбасары Гүлбарам Ермекқызы Біләлева, «Қазақстандық салалық білім және ғылым қызметкерлері кәсіптік одағының  Павлодар облыстық ұйымы» ҚҚ төрайымы   Гүлбарам Әуэзханқызы   Науразбаева, Железинка, Баянауыл кәсіподақ ұйымдарының өкілдері қатысты.

 

      Г.Ә. Науразбаева өз сөзінде Қазақстан білім беру жүйесінде жаһандық өзгерістер болғанын айтып өтті, оған түрткі болған ҚР Президентінің «Білім беруді және ғылымды дамытудың  2016-2019 жылдарға арналған мемлекеттік бағдарламасына» қол қоюы. Біздің қоғамда мұғалім аты әрдайым құрметті орында, оның пікірі беделді. Сондықтан бүгін біз, өзінің жеке қасиеттерін үнемі жетілдіріп отыруға міндетті, педагогтың кәсіби имиджі туралы айтуға құқылымыз. Өйткені мұғалім – тек қана мамандық емес, бұл өмір салты. Сондықтан кәсіподақ жас педагогтарға үлкен үміт артады және олардың кәсіби өсуіне барлық көмекті беруге даяр.  Форум қатысушыларының алдында Трофимовка мектебі  директорының м.а. Д.Ж. Капкенов, Қ.Оспанова атындағы №3 ЖОМ ағылшын мұғалімі, жас педагогтар кеңесінің төрағасы С.Қ. Рыспеков сөз сөйледі.

     Ары қарай сахна төріне бірінші кезеңнен сүрінбей өткен 7 жас педагог шығады, онда олар ашық сабақтар, жобалар әзірлемелерін ұсынды. Осы жолы олар өз күштерін «Мен – жасампаз!» визит карточкасы, блиц-сауалнама, классикалық қазақ және орыс әдебиетінің шығармалары үзінділерінен  костюмді сахналау көрсету сияқты байқауларда сынады. Әдеби шығармалар байқауы көрермендердің  ерекше қызығушылығын туғызды.   Көрермендер алдына Оралхан Бөкейдің шығармасындағы Жанар да, А.С. Пушкиннің «Евгений Онегин» поэмасынан Татьяна да, және біздің классиктеріміздің басқа да кейіпкерлері шықты. Бас жүлдені Трофимовка мектебінің орыс тілі мен әдебиетінің мұғалімі Ажар Ермуханбетқызы Жұмасанова жеңіп алды. Барлық қатысушылары дипломдармен, бағалы сыйлықтармен марапатталды.

        Форумның екінші бөлімінде қатысушыларды секциялар бойынша тренерлермен жұмыс күтіп тұрды: «Көшбасшылық қасиеттерін дамыту бойынша тренинг», «Жеке өсуі тренингі», «Табысты адам», «Мектепті басқарудағы менеджмент», «Қоғамдық қабылдау».