Аудандық жыл мұғалімі

Качир ауданының білім беру бөлімімен 2016 жылдың 21 сәуірінде «Жыл мұғалімі -2016» байқауы өткізілді. Мақсаты - педагогика қызметкерлерінің шығармашылығын дамыту, білім берудің заманауи технологияларын қолдау, мұғалімдердің кәсіби шеберлігінің өсуін, инновациялық педагогикалық әрекетті анықтау және тарату.

Байқауға 19 жалпы білім беретін орта мектептен 13 мұғалім қатысты.Байқауға қатысушылар ашық сабақтар өткізді, визит карточкасын, портфолио, хоббиін  ұсынды, проблемалық педагогикалық жағдайларды шешу жолдары бойынша ұсыныс берді. Сайыстың  күрделі кезеңдерінен  өтіп, Качир №2 ЖОББМ тарих мұғалімі, директордың оқу ісі жөніндегі орынбасары Ғалия Қайроллақызы Этекбаева үздік жыл мұғалімі  атанды.  Ол өзінің алған әсерімен бөліскенде: «Мен өте қобалжыдым, себебі бұл менің алғашқы рет байқауға қатысуым. Качир №1 ЖОМ 5 «А» сыныбында Қазақстан тарихы сабағын өткіздім. Топтық, жұптық жұмыс түрлерін, сын тұрғысынан ойлау технологиясы әдістерін қолдандым. Бұл бүкіл біздің мектептің жеңісі деп санаймын»- деді. Алқа мүшесі Калиева Бахыт Рахимжановна , аудандық ішкі саясат бөлімінің бас маманы: « Ауданның үздік мұғалімдері Қазақстандағы білім берудің заманауи бағытта дамуын тек түсініп қоймай, сонымен қатар оны жүзеге асыруда шығармашылық шешімдер тауып, өздерінің оқытушылық қызметінде тиімді қолдануда. Олар өз тәжірибелерімен алмасуға дайын. Үздік мұғалімдердің сөздерінен келесі  шешімдерді шығаруға болады: олар педагогикалық қызметте жекеше тәсілдемені іске асыруға мүмкіндік беретін және білім беруде қызығушылық тудыруға назар аударатын,ерекше білім беретін орта құру қажеттілігін баса айтты». Байқаудың жеңімпаздары мен жүлдегерлері дипломдармен және құнды сыйлықтармен марапатталды. Г.К. Этекбаева «Жыл мұғалімі – 2016» байқауының облыстық кезеңінде біздің ауданымыздың атын қорғайды.